Maalinta Nabadda iyo isboortiga oo si weyn looga xusay +Sawirro

0

Waxa magaalada  muqdisho lagu qabtay  xuska maalinta caalamiga ah ee u adeegsiga  isboortig horumarka,nabadda iyo maalinta ciyaartoyda Soomaaliyeed.

Munaasabadan oo   ka dhacday  garoonka Banaadir  ee magaalada Muqdisho waxaa ka soo qeyb galay  mas’uuliyiin ka socotay wasaaradda dhalinyarada iyo isboortiga,   guddiga Olombikada, madaxda xiriirada, ururada,masuuliyiin ka socotay hey’adaha qaramada midoobay ee dalka ku sugan ciyaartoyda qeybaha kale gedisan ee  xiriirada dalka, ciyaartoyda 17 degmo ee gobolka Banaadi, iskuulada, kooxaha hidaha dhaqanka iyo Banda Muusika.

Ciyaartoyda  oo garoonka soo buux dhaafiyay ayaa garoonka ku soo maray socod  ayagoo xiran labiska  ay astaanta u leedahay koox waliba waxaana    muusik  soo jiitay dadweynihii garoonka ku sugnaa    garaacay  kooxda ciidanka booliska Soomaaliyeed Banda Musika.

Ugu  horeyn waxaa khudbahada daah furay guddoomiyaha Ururka Ciyaartoyda Soomaliyeed,  Xasan Axmed Barre, waxuuna yiri  “farxad ballaaran ayay u  tahay in bahda isboortiga ay ku kulmaan munaasabda   6-da April  oo  laba munaasabad oo qaali ah  kulmisa  islamarkana ay wax weyn iska bedeleen sanadkii hore, si  qaranka Soomaaliya qeybahiisa kal gedisan loo horumariyo,”.

Xogahayaha Guud ee guddiga Olombika Soomaaliyeed, Duran Axmed Faarax,   oo munaasabadda ka hadlay   ayaa waxaa uu faahfaahin dheer ka bixiyay   qaabka ay munaasadan iyo kuwii ka horeeyay ku bilowdeen waxaa uuna tilmaamay in la ansaxiyay sanadkii 2013 guddiga olombikada uu sanadkii seddexad oo xiriir ah qabanayo.

Guddoomiye ku xigeenka  Arimaha Bulshada gobolka Banaadir, Iimaan Nuur Iikar, oo isna ka hadlay goobta ayaa sheegay ay muhiimad gaar ah leedahay in ciyaartoyda Soomaaliyeed isu soo bax balaaran oo sanadle  ah yeeshaan.

Ugu dambeyn waxaa xaflada soo xeray  Wasiir ku xigeenka wasaaradda dhalinyarada iyo isboortiga, Cusmaan Aadan Dhuuboow,  waxaa uuna sheegay in xafladan  si wanaagsan loo soo agaasimay  wasaaraduna ay qaadan doonto doorka ay ku leedahay horumarinta isboortiga  gaar ahaan  helida garoomo lagu ciyaaro oo muhiim u ah kooxaha dalka oo ay dhibaato ka hayso dhanka garoomada.

_MG_8441_MG_8469_MG_8498DSC03648DSC03655DSC03691DSC03713DSC03718DSC03733DSC03737DSC03740DSC03742DSC03746DSC03756DSC03763IMG_8134IMG_8135IMG_8149IMG_8167IMG_8180IMG_8191IMG_8197