Wararkii ugu dambeeyay ee kulamada ka socda Garowe..

0

Wafdi ka socdo beesha caalamka ayaa maanta gaaray magaalada Garowe ee gobolka Nugaalka waxaana lagu soo dhaweeyay garoonka diyaaradaha ee magaalada Garowe.

Wafdiga ayaa kala ah ­Safiirka Midowga Yurub ee Soomaaliya Michelle Cervone d’Urso, ­Safiirka Talyaaniga ee Soomaaliya Mr Fabrizio Marcelli, ­Wasiira arrimaha dibada Itoobiya Dr Tedros Adhanom, ­Safiirka Midowga Afrika Soomaaliya Maman Sidikou. ­Wakiilka IGAD ee Soomaaliya Maxamed Cabdi Afey iyo ­Xoghayaha guud ee IGAD Maxbuub iyo Wufuud kale.

Wafuuda ayaa ku biireysay wafdiga ra’iisul wasaaraha Soomaaliya ee maalmahaan ku sugnaa magaalada Garowe waxayna goobjoog ka noqon doonaan hishiis dhexmaraya dowlada iyo maamulka Puntland.

12939260_979544028759752_801248936_n

Wararka ka imaanaya magaalada Garowe ayaa waxa ay sheegayaan in shir gaar ah oo albaabadu ay u xiran yihiin uu hadda u socda Wafdiga beesha caalamka oo isku dhinac ah iyo Madaxweynaha maamulka Puntland C/wali Maxamed Cali Gaas, waxaana ay ka wada hadlayaan waxyaabaha ay Puntland soo jeedisay iyo sida loo fulinayo.

Madaxweyne Gaas ayaa soo ayaa waxaa laga sugayaa in uu soo bandhigo sharuudaha ay Puntland rabto in ay ku ogolaato Nidaamka 4.5, gaar ahaana dhismaha mashaariicda waa weyn ee garoomada, Dekedaha, Jidadka, Deeqaha Caalamka iyo arrimo kale.

Puntland waxay doonaysaa in meelmar laga dhigo qorshe ay soo jeedisay oo ah in tan iyo 2020-ka inta laga gaarayo deeqaha magaca Soomaaliya lagu bixiyo si toos ah ay u hesho, kana tanaasusho nidaamka 4.5.

Sidaas oo kale qodobo kale ayaa jira oo si hoose ay dhinacyadu uga wada hadlayaan, markaas ka dibna waxaa la aadi doona Hoolka Wasaaradda Caafimaadka oo lagu soo bandhigi doono heshiiska rasmiga ah oo ay goob joog ka yihiin Deeq bixiyaasha, Itoobiya, IGAD, Midowga Africa, Midowga Yurub, Turkiga, Talyaaniga iyo Imaaraatka Carabta.

12919296_979544975426324_740577349_n 12919260_979546225426199_213573809_n 12919069_979545278759627_1154043442_n 12910831_979545648759590_1768904253_n-1 12910217_979543635426458_108402477_n